FDA aprovon kombinimin e ri në trajtimin e kancerit të gjirit

FDA ka miratuar kombinimin trastuzumab deruxtecan (T-DXd, Enhertu) me pertuzumab (Perjeta) për trajtimin e linjës së parë të pacienteve me kancer gjiri HER2-pozitiv të avancuar ose metastatik. Ky aprovimi përfaqëson një ndryshim të rëndësishëm në standardin terapeutik, duke pozicionuar për herë të parë, ne linjën e parë trajtimit, një antitrup të konjuguar me barna (ADC).

Trastuzumab deruxtecan është një ADC që përbëhet nga:

• një antitrup anti-HER2
• një linker sensitiv ndaj enzimave lizosomale
• një ngarkesë citotoksike (topoisomerase I inhibitor)

Ky mekanizëm lejon internalizim selektiv në qelizat HER2-pozitive, me efekt citotoksik potent shoqëruar me fenomenin “bystander effect“. Shtimi i pertuzumab siguron bllokim të dyfishtë të sinjalizimit HER2, duke reduktuar aktivizimin e rrugëve proliferative.

Të dhënat klinike që mbështesin aprovimin

Vendimi i FDA u bazua në rezultatet e studimit të fazës III DESTINY-Breast09, i cili demonstroi kohë të lirë nga progresi (PFS) më të lartë dhe përgjigje objektive (ORR) më të mirë të kombinimit T-DXd + pertuzumab krahasuar me standardin trastuzumab + pertuzumab + taksane (THP).

Rezultatet e DESTINY-Breast09:

• PFS mediane me T-DXd + pertuzumab: 40.7 muaj (95% CI: 36.5 – jo i vlerësueshëm)
• PFS mediane me THP (standardi): 26.9 muaj (95% CI: 21.8 – jo i vlerësueshëm)
• Rreziku i progresit ose vdekjes: 44% ulje (HR = 0.56; 95% CI 0.44–0.71; p < 0.0001). Diferencë absolute ~13.8 muaj në favor të kombinimit të ri.
• ORR me T-DXd + pertuzumab: 87% (95% CI: 83%-90%)
• ORR me THP: 81% (95% CI: 77%-85%)

Të dhënat për mbijetesën e përgjithshme (OS**)** janë në ndjekje, por trendi favorizon kombinimin e ri.

Siguria dhe toleranca

Profili i sigurisë ishte në përputhje me atë të njohur për T-DXd:

• efektet anësore më të shpeshta përfshijnë nauzen, mielosupresionin dhe lodhjen
• ILD/pneumonitis mbetet një rrezik i njohur dhe kërkon monitorim aktiv

Ky aprovim pozicionon ADC-të si opsion i linjës së parë, çka pritet të çojë në rishikim të udhëzimeve ndërkombëtare (NCCN, ESMO) për trajtimin e kancerit të gjirit të avancuar dhe metastatik HER2+.